யானை தாக்கி ஒருவர் காயம்

-வடிவேல் சக்திவேல்,வா.கிருஷ்ணா

மட்டக்களப்பு,மண்முனை தென்மேற்கு பிரதேச செயலகப் பிரிவுக்குட்பட்ட தாந்தாமலை கிராமத்தில் இன்று புதன்கிழமை அதிகாலை 1.30 மணியளவில் கிராமத்துக்குள் புகுந்த காட்டு யானை ஒருவரை தாக்கியுள்ளதுடன் குடியிருப்பையும்  சேதப்படுத்தியுள்ளது.

65 வயதுடைய 5 பிள்ளைகளின் தந்தையான முத்தையா பிள்ளையார்போடி  என்பவரே இவ்வாறு காட்டுயானையின் தாக்குதலுக்கிலக்காகியுள்ளார்.

படுகாயமடைந்த நபர், மகிழடித்தீவு வைத்தியசாலையில் அனுமதிக்கப்பட்டு பின்னர் மேலதிக சிகிச்சைகளுக்காக மட்டக்களப்பு போதனா வைத்தியசாலைக்கு மாற்றப்பட்டுள்ளதாக  பட்டிப்பளைப் பொலிஸார் தெரிவித்தனர்.