விபத்தில் இரு கால்களும் துண்டிப்பு

மட்டக்களப்பு கல்குடா பொலிஸ் நிலையத்தில் கடமையாற்றும் பொலிஸ் உத்தியோகத்தர் ஒருவர், நேற்று (25) இரவு இடம்பெற்ற விபத்தின் போது, தனது இரண்டு கால்களையும் இழந்துள்ளார் என்று, பொலிஸார் தெரிவித்தனர்.

கடமை நிமித்தமான பொலிஸ் பயிற்சிநெறி ஒன்றுக்காக, திருகோணமலை செல்லும் நோக்கில், கல்குடா பொலிஸ் நிலையத்திலிருந்து கடமை முடிந்து, பொலொன்னறுவை நோக்கி மோட்டார் சைக்கிளில் சென்றபோது, எதிரே வந்த ஜீப் ரக வாகனம் மோதி, இவர் விபத்துக்குள்ளானார்.