ஏறாவூர் இரட்டைப் படுகொலை; 6 சந்தேக நபர்களின் விளக்கமறியல் நீடிப்பு

-ஏ.எச்.ஏ.ஹுஸைன், நல்லதம்பி நித்தியானந்தன்

ஏறாவூரில் இடம்பெற்ற இரட்டைப் படுகொலைச் சம்பவம் தொடர்பான 6  சந்தேக நபர்களுக்கும்; விளக்கமறியல் எதிர்வரும் மே மாதம் 17ஆம் திகதிவரை நீடிக்கப்பட்டுள்ளது.  

மட்டக்களப்பு நீதவான்; நீதிமன்றத்தில் மேலதிக நீதவானும் மேலதிக மாவட்ட நீதிபதியுமான எம்.ஐ.எம்.றிஸ்வி முன்னிலையில்  இன்று (3)  இவர்களை ஆஜர்படுத்தியபோதே, நீதவான் இவர்களுக்கான விளக்கமறியலை நீடித்துள்ளார்.

ஏறாவூர், முகாந்திரம் வீதியை அண்டி அமைந்துள்ள தங்களின் வீட்டில் வசித்துவந்த தாயான  நூர்முஹம்மது ஹுஸைராவும் (வயது 56) அவரது திருமணமாகிய மகளான முஹம்மது யூசுப் ஜெஸீரா பானுவும் (வயது 32) கொலை செய்யப்பட்ட நிலையில், அவர்களின் சடலங்கள்  கடந்த செப்டெம்பர் 11ஆம் திகதி மீட்கப்பட்;டிருந்தன.