சுவாமி விபுலானந்தரின் 119 ஜனன தினம் அனுஷ்டிப்பு

(ஜிப்ரான்)
சுவாமி விபுலானந்தரின் 119வது ஜனன தினத்தை முன்னிட்டு பல்வேறு நிகழ்வுகள்  இன்று மட்டக்களப்பில் ஏற்பாடு செய்யப்பட்டிருந்தன.

கல்லடி இராமகிருஸ்ண  புரத்திலுள்ள சுவாமியின் சமாதியில் மலரஞ்சலி செய்யப்பட்டது. மட்டக்களப்பு இராகிருஸ்மிஸன் தலைவர் சுவாமி ஞானமயானந்தமா தலைமையில் நடைபெற்ற இந்நிகழ்வில் கிழக்கு பல்கலைகழக பேராசிரியர் எஸ்.செல்வராசா உட்பட பலர் கலந்து கொண்டனர்.

மேலும், மட்டக்களப்பு நீதிமன்ற வளாகத்தில் அமைந்துள்ள சுவாமியின் உருவச்சிலைக்கு மட்டக்களப்பு மாநகர பிரதி மேயர் ஜோர்ஜ் பிள்ளை மலர்மாலை அணிவித்தார்.