சிறுமியை வல்லுறவுக்குள்ளாக்கிய நபருக்கு விளக்கமறியல்

(ஆர்.அனுருத்தன்)

ஓட்டமாவடி, மீராவோடை பகுதியில் 14 வயதான சிறுமியை பாலியல் வல்லுறவுக்குட்படுத்திய 48 வயதான சந்தேகநபரை விளக்கமறியலில் வைக்கும் படி நீதிபதி வாழைச்சேனை மாவட்ட நீதிபதி ஏ.எம்.எம்.றியாழ் உத்தரவிட்டுள்ளார்.

பாலியல் வல்லுறவு தொடர்பாக வாழைச்சேனை பொலிஸாருக்கு கிடைத்த முறைப்பாட்டையடுத்து குறித்த சந்தேகநபர் கைதுசெய்யப்பட்டுள்ளார்.

இவர் இன்று ஞாயிற்றுக்கிழமை வாழைச்சேனை மாவட்ட நீதிபதி ஏ.எம்.எம்.றியாழ் முன்னிலையில் ஆஜர்படுத்தப்பட்டார். இதன்போது குறித்த சந்தேகநபரை மே 13ஆம் திகதி வரை விளக்கமறியலில் வைக்கும் படி நீதிபதி உத்தரவிட்டுள்ளார்.

குறித்த யுவதி திடீர் மயக்க முற்றதால் வைத்தியசாலையில் அனுமதிக்கப்பட்ட போது 5 மாதங்களுக்கு முன்பாகவே கர்ப்பம் தரித்துள்ளமை கண்டறியப்பட்டது.