இடைக்கால கொடுப்பனவின் நிலுவையை வழங்குமாறு 500 தொழிலாளர்கள் ஆர்ப்பாட்டம்

ஆர்.ரமேஷ்

தங்களது இடைக்கால கொடுப்பனவான 2,500 ரூபாய், இரண்டு மாதங்களாக நிலுவையில் உள்ளதாகவும் அதனை உடனே வழங்கவேண்டும் என்று கோரியும், லிந்துலை பொலிஸ் பிரிவுக்குட்பட்ட, தேயிலைச் சபைக்குச் சொந்தமான செங்கும்ஸ் பகுதியிலுள்ள தோட்டத் தொழிலாளர்கள், தோட்ட அதிகாரி சரத் அபேசிங்கவின் அலுவலகத்தை முற்றுகையிட்டு இன்று புதன்கிழமை (24) ஆர்ப்பாட்டத்தில் ஈடுபட்டு வருகின்றனர்.

சுமார் 500 தோட்டத் தொழிலாளர்கள் இந்த ஆர்ப்பாட்டத்தில் ஈடுபட்டு வருகின்றனர்.

தற்போதைக்கு தான் 1,000 ரூபாயை வழங்குதாகவும் மிகுதி தொகையை இரண்டு வாரத்துக்குள் வழங்குவதாகவும் தோட்ட அதிகாரி தெரிவத்தும், அதற்கு ஒத்து வராத நிலையில் இந்த ஆர்ப்பாட்டம் முன்னெடுக்கப்படுகின்றது.