கற்பாறைகள் சரியும் அபாயம்: 35 பேர் வெளியேற்றம்?

கு.புஸ்பராஜ்

மலையகத்தில் நீடித்து வரும்  சீரற்ற வானிலை காரணமாக, அக்கரப்பத்தனை ஹோல்புறூக் தோட்டத்தில் கற்பாறைகள் சரிந்துவிழும் அபாயம் ஏற்பட்டுள்ளதாகவும் இதனால், இப்பகுதியில் வாழ்ந்து வரும் 8 குடும்பங்களைச் சேர்ந்த சுமார் 35 பேரை வெளியேற்றுவதற்கு நடவடிக்கைகைள மேற்கொண்டு வருவதாகவும் பொலிஸார் கூறினார்.

மேற்படி தோட்டத்தில், ஞாயிற்றுக்கிழமை (4)   இரவு 10 மணியளவில்  மண்மேடுகளில் இருந்த பாரிய கற்;பாறைகள் சரிந்து விழுந்துள்ளன. இதனால் விவசாய தோட்டங்கள் பாதிக்கப்பட்டுள்ளதாக குடியிருப்பாளர்கள் தெரிவித்தனர்.

இப்பிரதேசத்தில்  தொடர்ச்சியாக கற்பாறைகள் சரிந்து விழும் அபாயம் ஏற்பட்டுள்ளதால் இவ்விடயத்தை நுவரெலியா பிரதேச சபையின் கவனத்துக்கு கொண்டு சென்றுள்ளதாக அக்கரப்பத்தனைக்கு பொறுப்பான கிராமசேவர் குழந்தைவேல் தெரிவித்தார்.