சப்ரகமுவ மாகாணத்துக்கு மூன்று புதிய செயலாளர்கள்

சிவாணி ஸ்ரீ

சப்ரகமுவ மாகாண சபையின் பிரதான அமைச்சு, மாகாண ஆளுநர் அலுவலகம் மற்றும்  மாகாண கல்வி அமைச்சு என்பவற்றுக்கு புதிதாக மூன்று செயலாளர்களை நியமிப்பதற்கு சப்ரகமுவ மாகாண ஆளுநர் டிக்கிரி கொப்பேகடுவ நடவடிக்கை எடுத்துள்ளார்.

இதற்கமைய சப்ரகமுவ மாகாண அரச சேவைகள் ஆணைக்குழுவினால் சப்ரகமுவ மாகாண பிரதான அமைச்சின் செயலாளராக பிரபாத் உதாகர, சப்ரகமுவ மாகாண ஆளுநர் அலுவலகத்தின் செயலாளராக எச்.டி.சிசிர, சப்ரகமுவ மாகாண கல்வி அமைச்சின் செயலாளராக சுஜானி ரசாங்கிகா விஜேதுங்க ஆகியோர் நியமிக்கப்பட்டுள்ளனர்.

இவர்களுக்கான நியமன கடிதங்கள் சப்ரகமுவ மாகாண ஆளுநர் டிக்கிரி கொப்பேகடுவவினால் மாகாண ஆளுநர் அலுவலகத்தில் வைத்து நேற்று ( 21) வழங்கி வைக்கப்பட்டது.