டெக்டெர் விபத்தில் சாரதி காயம்

நுவரெலியாவிலிருந்து வெளிமடை நோக்கி பயணித்த டெக்டெர் ரக வாகனமொன்று கெப்பட்டிபொல பொலிஸ் பிரிவுக்குட்பட்ட ரேந்தபொல பகுதியில் வைத்து சுமார் நூறு அடி பள்ளத்தில் வீழ்ந்து விபத்துக்குள்ளான சம்பவம் சனிக்கிழமை (22) இடம்பெற்றுள்ளது .

இந்த விபத்தில், டெக்டரை செலுத்திய சாரதி பலத்த காயங்களுக்குள்ளான நிலையில் நுவரெலியா மாவட்ட வைத்தியசாலையில் அனுமதிக்கப்பட்டுள்ளார்.

விபத்துக்குள்ளான டெக்டர் நுவரெலியா பகுதியிலிருந்து குப்பைகள் ஏற்றி சென்ற டெக்டர் எனவும் அதிக மழை காரணமாகவே இந்த விபத்து இடம்பெற்றுள்ளதாகவும் தெரியவந்துள்ளது .

மேலும் இந்த விபத்து தொடர்பான மேலதிக விசாரணைகளை  கெப்பட்டிபொல பொலிஸார் மேற்கொண்டு வருகின்றனர்.

ஆ.ரமேஸ்