‘நுவரெலியாவில் யாரும் மரணிக்கவில்லை’

சுதத் எச்.எம்.ஹேவா

கொரோனா வைரஸ் தொற்று காரணமாக, நுவரெலியா மாவட்டத்தில், இதுவரையில் யாரும் இறக்கவில்லை என, நுவரெலியா மாவட்ட செயலாளர் ரோஹண புஷ்பகுமார தெரிவித்தார்.  

நுவரெலியா மாவட்ட கொரோனா வைரஸ் கட்டுப்படுத்தும் குழுக் கூட்டத்திலேயே, அவர் மேற்கண்டவாறு தெரிவித்தார்.

அவர் தொடர்ந்து கருத்துத் தெரிவிக்கையில், நுவரெலியா மாவட்டத்தில் தனிமைப்படுத்தலில் இருந்த பெண்ணொருவர் உயிரிழந்திருந்தார் என்றும் எனினும் சடலத்தின் மீதான பிரேத பரிசோதனையின் போது, அவருக்கு தொற்று இல்லை என்று உறுதியானது என்றும் அவர் தெரிவித்தார்.

எனவே, இவ்வாறான செய்திகள் தெரிவிக்கப்படுவதற்கு முன்னர், ஒன்றுக்கு இரண்டு முறை, சுகாதாரத்துறையினர் உறுதிப்படுத்தி, செய்திகளை வெளியிடவேண்டும் என்றும் அவர் கோரினார்.