பேப்பர் கட்டரால் வந்த வினை

கண்டி , ஹதறலியத்த பிரதேசத்தில் உள்ள பாடசாலை ஒன்றின் 12 ஆம் வகுப்பில் கல்வி கற்கும் இரு மாணவர்களுக்கு இடையில் ஏற்பட்ட மோதலில், ஒருவர் காயமடைந்த நிலையில் வைத்தியசாலையில் அனுமதிக்கப்பட்டுள்ளதாக ஹதரலியத்த பொலிஸார் தெரிவித்துள்ளனர்.

கடந்த வெள்ளிக்கிழமை (31) அன்று பாடசாலை முடிந்து வீடு திரும்பும் வழியில் இருவருக்கும் இடையில் தகராறு ஏற்பட்டுள்ளதுடன் அதில் ஒருவர் தன்னிடமிருந்த பேப்பர் கட்டர் மூலம் மற்றைய மாணவனின் கையை அறுத்துள்ளார் .

வீவலையை சேர்ந்த 17 வயதுடைய மாணவனே இதில் காயமடைந்த நிலையில் வைத்தியசாலையில் அனுமதிக்கப்பட்டுள்ளார் .

பேப்பர் கட்டர் மூலம் கையை அறுத்து காயப்படுத்திய மாணவன் துங்கும்புர பகுதியைச் சேர்ந்தவர் எனவும் அவர் பொலிஸாரால் கைது செய்யப்பட்டு பிணையில் விடுவிக்கப்பட்டுள்ளதாகவும் பொலிஸார் தெரிவித்துள்ளனர் . 

மேலும் இது தொடர்பிலான மேலதிக விசாரணைகளை பொலிஸார் மேற்கொண்டு வருகின்றனர் .