பின்னால் வந்த வாகனங்களுடன் மோதி லொறி விபத்து

ரஞ்சித் ராஜபக்ஷ

ஹட்டனிலிருந்து கொழும்பு நோக்கி மரக்குற்றிகளை ஏற்றிச்சென்ற லொறி ஒன்று, ஹட்டன் - கொழும்பு பிரதான வீதியில்; கித்துல்கல மடக்கித்த பகுதியில் வைத்து விபத்துக்குள்ளாகியுள்ளது.

மேற்படி லொறி, கொழும்பிலிருந்து ஹட்டன் நோக்கி பயணித்த வானில் மோதியதையடுத்து  வான் பின்னால் வந்துக்கொண்டிருந்த மரக்கறி லொறியுடன் மோதியுள்ளது. இந்நிலையில் மரக்கறி லொறி அதற்குப் பின்னால் வந்த முச்சக்கரவண்டியின் மீது மோதியுள்ளது.

மரக்குற்றிகளை ஏற்றிச்சென்ற லொறியும் மரக்கறி ஏற்றிச்சென்ற லொறியும் அருகில் இருந்த வீட்டின் மீது மோதி குடைசாய்ந்ததில் வீட்டுக்கு சேதம் ஏற்பட்டுள்ளதென பொலிஸார் தெரிவித்தனர்.

இந்த விபத்து தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.