மரக்கறி வியாபாரிகளுக்கு நிரந்தர இடம்

டி.சந்ரு

நுவரெலியா- கண்டி பிரதான வீதி மற்றும் நானுஓயா குறுக்கு பாதைகளில், மரக்கறி வியாபாரத்தில் ஈடுபட்டு  வரும் வியாபாரிகளுக்கு, நிரந்தர இடத்தை பெற்றுக்கொடுப்பது தொடர்பில், நுவரெலியா பிரதேச ஒருங்கிணைப்பு குழு கூட்டத்தில் வலியுறுத்தப்பட்டுள்ளது.

நுவரெலியா பிரதேச ஒருங்கிணைப்புக் குழு கூட்டம், நுவரெலியா மாவட்ட நாடாளுமன்ற உறுப்பினரும் நுவரெலியா பிரதேச ஒருங்கிணைப்புக் குழுவின் இணைத் தலைவருமான எம்.திலகராஜ் தலைமையில், திங்கட்கிழமை நடைபெற்றது.

இதன்போதே, இவ்விடயம் தொடர்பில் விவாதிக்கப்பட்டது.

இந்நிலையில், மேற்படி வியாபாரிகளுக்கு நிரந்தர இடமொன்றை பெற்றுக்கொடுப்பது தொடர்பில் ஆவணம் செய்வதாக,  நுவரெலியா மாவட்ட நாடாளுமன்ற உறுப்பினர் எம்.திலகராஜ் தெரிவித்தார்.