மாணவியின் தங்க நகை அபகரிப்பு

மொனராகலை  பாடசாலையொன்றில் கல்வி கற்கும் மாணவி ஒருவர் திங்கட்கிழமை (01) அன்று தனது பிரத்தியேக வகுப்புக்களை முடித்துவிட்டு வீடு திரும்பும் போது, ​​இனந்தெரியாத ஒருவர் அவரது கழுத்தில் இருந்து தங்க  சங்கிலியை அபகரித்துச் சென்றுள்ளார்.

 19 வயதுடைய குறித்த மாணவி தனது பிரத்தியேக வகுப்பை முடித்துவிட்டு நக்கல்ல தோட்ட  பகுதியில் உள்ள தனது வீட்டிற்கு நடந்து சென்று கொண்டிருந்தபோது, ​​ஒரு நபர் அவரது பின்னால் வந்து அவர் அணிந்திருந்த  தங்கச் சங்கிலியை பறித்துக்கொண்டு தப்பியோடியதாக பொலிஸாரிடம் தெரிவித்துள்ளார்.    

இது ​தொடர்பான மேலதிக விசாரணைகள் மற்றும் சந்தேக நபரைக் கண்டுபிடிப்பதற்கான நடவடிக்கைகள் பொலிஸாரால் முன்னெடுக்கப்பட்டுள்ளது.

சுமனசிறி குணதிலக்க