மின்கம்பத்திலிருந்து தவறி விழுந்து ஒருவர் பலி

சுமணசிறி குணத்திலக

அயல்வீட்டில் மின்தடை ஏற்பட்டதால், அதனை பரிசோதிப்பதற்காக மின்கம்பத்தில் ஏறிய மின்சார சபை ஊழியர் ஒருவர், மின்கம்பத்திலிருந்து தவறி விழுந்து பரிதாபகரமாக உயிரிழந்துள்ளார்.

மொனராகலை, எத்திமலை  50ஆம் பிரிவில் வசித்து வந்த கே.கே. சமிந்த கொடிதுவக்கு (வயது 39) என்ற இரண்டு பிள்ளைகளின் தந்தையே இவ்வாறு உயிரிழந்துள்ளார்.

பிரேதப் பரிசோதனைக்காக, மொனராகலை வைத்தியசாலையின் பிரேத அறையில் சடலம் வைக்கப்பட்டுள்ளது.

இச்சம்பவம் தொடர்பில்,  எத்திமலை பொலிஸார் விசாரணைகளை மேற்கொண்டு வருகின்றனர்.