முச்சக்கரவண்டி - லொறி விபத்தில் ஒருவர் காயம்

-மு.இராமசந்திரன்

கொட்டகலையில் இடம்பெற்ற வாகன விபத்தில் ஒருவர் காயமடைந்ததாக திம்புள்ளை பத்தனை பொலிஸார் தெரிவித்தனர்.

தலவாகலையிலிருந்து வந்த முச்சக்கரவண்டி, கொட்டகலை நகர பகுதியில் நிறுத்திவைக்கப்பட்டிருந்த லொறியுடன், இன்று சனிக்கிழமை (02) மதியம் மோதுண்டு விபத்துக்குள்ளாகியுள்ளது.

இவ்விபத்தில் முச்சக்கரவண்டியில் பயணித்த நபர் காயமடைந்து கொட்டகலை வைத்தியசாலையில் அனுமதிக்கப்பட்டடுள்ளதுடன், விபத்து தொடர்பான விசாரணைகள் இடம்பெற்று வருவதாகவும் திம்புள்ளை பத்தனை பொலிஸார் மேலும் தெரிவித்தனர்.