லயன்கள் தீப்பற்றின

-சிவாணி ஸ்ரீ

இரத்தினபுரி, அபுகஸ்தன்ன மூக்குவத்தை தோட்டத்தில் இன்று புதன்கிழமை (16) அதிகாலை ஏற்பட்ட மின்னொழுக்கு காரணமாக 06 லயன் குடியிருப்புக்கள் தீப்பற்றி எரிந்துள்ளன. 

மேற்படி ஆறு குடியிருப்புக்களில் தங்கியிருந்தவர்களுக்கு உயிராபத்துக்கள் எதுவும் ஏற்படவில்லை. எனினும், பெறுமதியான பொருட்கள் பல முற்றாக எரிந்து நாசமாகியுள்ளன. 

தோட்ட மக்களின் முயற்சியினால் தீ கட்டுப்பாட்டுக்குள் கொண்டுவரப்பட்டுள்ளது.

மேற்படி குடியிருப்பைச் சேர்ந்த 30க்கும் மேற்பட்ட மக்கள்,  அப்பிரதேசத்திலுள்ள ஆலயத்தில் தஞ்சமடைந்துள்ளனர்.