வருடாந்த ஞாபகார்த்த ரக்பி போட்டி

-மொஹொமட்  ஆஸிக்

கண்டி புனித சில்வெஸ்தர் கல்லூரிக்கும், வித்தியார்த்த கல்லூரிக்கும் இடையிலான வருடாந்த, பர்டி நில்லகொட  மற்றும் பீ.எம்.ஐ.பண்டா ஞாபகார்த்த ரக்பி போட்டி, எதிர்வரும் ஏப்ரல் முதலாம் திகதி, பல்லேகலேயில் அமைந்துள்ள, திருத்துவக் கல்லூரி மைதானத்தில் இடம்பெற உள்ளது.

இது தொடர்பான ஊடக சந்திப்பு, நேற்று (28) மாலை, கண்டி சில்வெஸ்தர் கல்லூரி மண்டபத்தில் இடம்பெற்றது.

மேற்படி போட்டி தொடர்பாக, புனித சில்வெஸ்தர் கல்லூரியின் அதிபர் பீ.ஜீ.எஸ். பண்டார பேசுகையில், கண்டி புனித சில்வெஸ்தர் கல்லூரிக்கு பாரிய சேவையாற்றிய  முன்னாள் அதிபர்  பர்டி நில்லகொடவும், வித்தியார்த்த கல்லூரிக்கு பாரிய சேவையாற்றிய  பீ.எம்.ஐ.பண்டா  அவர்களதும் ஞாபகார்த்தமாக, இப்போட்டி இடம் பெற்று வருவதாக தெரிவித்தார்.