விபத்தில் இரு சிறுவர்கள் உள்ளிட்ட நான்கு பேர் காயம்

இரத்தினபுரி, பெல்மதுளை பிரதான வீதியிலுள்ள  பட்டுகெதர எனுமிடத்தில் இன்று (23) காலை 11.30 மணியளவில் இடம்பெற்ற விபத்தில், இரு சிறுவர்கள் உள்ளிட்ட 4 பேர் காயமடைந்துள்ளனர்.

சம்பவத்தில் காயமடைந்தவர்கள் அனைவரும் ஒரே குடும்பத்தை சேர்ந்தவர்கள் என்பது குறிப்பிடத்தக்கது.

பெல்மதுளை பகுதிலிருந்து இரத்தினபுரி நோக்கிவந்த மோட்டார் சைக்கிள் ஒன்றினை, அதன் பின்னால் அதிவேகமாக வந்த முச்சக்கர வண்டியொன்று  மோதியதில் மோட்டார் சைச்சிள் கீழே புரண்டு விபத்துக்குள்ளாகியுள்ளது.

இதன்போது, மோதிய முச்சக்கர வண்டி குறிப்பிட்ட இடத்தில் நிறுத்தாமல்  சென்றதனால், பிரதேச மக்கள் அம்முச்சக்கர வண்டியை பிடிக்க முயற்சி செய்த போதிலும், அது முடியாமல் போகவே இது குறித்து இரத்தினபுரி பொலஸில் முறைப்பாடு செய்துள்ளனர்.

இந்தந் சம்பவத்தில் மோட்டார் சைக்கிளில் வந்தவர்களே காயமடைந்துள்ளனர்.

குறித்த சம்பவம் தொடர்பில் இரத்தினபுரி பொலிஸார் மேலதிக விசாரணைகளை முன்னெடுத்துள்ளனர்.