விபத்தினால் அரைமணிநேரம் போக்குவரத்துத் தடை

-இராமச்சந்திரன்

கொழும்பு- ஹட்டன் பிரதான வீதியின், வட்டவளை  பொலிஸ் பிரிவுக்குபட்ட தியகல சந்திக்கருகில் இன்று ஞாயிற்றுக்கிழமை(24) மாலை 4 மணியளவில் இடம்பெற்ற வாகன விபத்தால், சுமார் 30 நிமிடங்கள் வரை போக்குவரத்து தடைப்பட்டது.

கொழும்பிலிருந்து நுவரெலியா நோக்கி வெளிநாட்டு சுற்றுலா பயணிகளை ஏற்றி சென்ற சொகுசு பஸ் வண்டியும் தலவாகலையிலிருந்து கினிகத்தேன சென்ற கனரக லொறியும் மோதியதிலேயே இவ்விபத்து இடம்பெற்றுள்ளது.

பயணிகளுக்கு பாதிப்புகள் ஏற்படாதபோதிலும் சம்பவ இடத்துக்கு விரைந்த வட்டவளை பொலிஸார் போக்குவரத்து தடையை நீக்கியதுடன், விபத்து தொடர்பிலான விசாரணையை முன்னெடுக்கின்றனர்.