விபத்தில் இருவர் காயம்: ஒருவர் கைது

எஸ்.கணேசன், எஸ்.சுஜிதா

கொட்டகலையிலிருந்து தலவாக்கலை நோக்கிச் சென்ற கெப் ரக வாகனமும் தலவாக்கலையிலிருந்து ஹட்டனுக்கு பயணித்த மோட்டார் சைக்கிளும் திம்புள்ள-பத்தனையில் இன்று காலை நேருக்கு நேர் மோதி விபத்துக்குள்ளானதில் இருவர் படுகாயமடைந்துள்ளதுடன் இவர்கள் நுவரெலியா மாவட்ட வைத்தியசாலையில் அனுமதிக்கப்பட்டுள்ளதாக பொலிஸார் கூறினர்.

மோட்டார் சைக்கிளில் சென்ற இருவரே விபத்துக்குள்ளாகியுள்ளனர். விபத்துடன் தொடர்புடைய கெப் ரக வாகனத்தின் சாரதியை பொலிஸார் கைதுசெய்துள்ளனர்.