ஹட்டனில் எகிறும் ஓட்டோ கட்டணங்கள்

சுதத்.எச்.எம்.ஹேவா

ஹட்டன் நகரிலிருந்து வாடகைக்கு அமர்த்திச் செல்லப்படும் ஓட்டோக்கள் அதிகமான கட்டண வசூலிப்பை முன்னெடுப்பதாக பிரதேசவாசிகள் தெரிவிக்கின்றனர்.

இதில் சில ஓட்டோ சாரதிகள், 2 கிலோமீற்றர் பயணிப்பதற்கு 400 ரூபாவை அறவிடுவதாகவும் ஒரு கிலோமீற்றர் பயணிக்க 250 ரூபாவை அறவிடுவதாகவும் தெரிவிக்கின்றனர்.

அதேப்போல் இரவு நேரங்களில் வாடகைக்கு அமர்த்தப்படும் சில ஓட்டோக்கள் 2 கிலோமீற்றர் தூரம் செல்ல ஆயிரம் ரூபாய் வரை அறிவிடுவதாகவும் தெரிவிக்கின்றனர்.

எனினும் ஹட்டன் பிரதேசத்திலுள்ள பல வீதிகள் பயணிக்க முடியாத வகையில் சேதமடைந்துள்ள உள்ளமை என்பவற்றுடன்  வாகன உதிரிப் பாகங்களுக்கான தட்டுபாடு, விலை அதிகரிப்பு, ஒட்டோக்களை புதுப்பிக்க அதிக கட்டணம் அறவிடுகின்றமை போன்ற காரணங்களே தாம் ஓட்டோ கட்டணங்களை அதிகரிக்க காரணம் என்றனர்.