ஹோட்டலொன்றில் தீ பரவியது

பி.கேதீஸ்

நுவரெலியா புதிய கடை வீதியில் அமைந்துள்ள ஹோட்டலொன்றில்  இன்று, (11) பகல் 12 மணியளவில் தீபரவல் ஏற்பட்டது.

சமையல் எரிவாயு கசிவினால் குறித்த ஹோட்டலின் சமையலறையில் தீ பரவல் ஏற்பட்டது.

தீ ஏற்பட்டதையடுத்து சம்பவ இடத்துக்கு விரைந்த நுவரெலியா மாநகரசபையின் தீயணைப்பு படையினர், தீயை கட்டுப்பாட்டுக்குள் கொண்டு வந்தனர்.

இத்தீ விபத்தினால் பாரிய சேதம் ஏதும் ஏற்படவில்லை என்பதுடன், பொருட்கள் சேதமடைந்துள்ளதாக  தெரிவிக்கப்பட்டுள்ளது.