'அமெரிக்கன் கோணர்' திறந்து வைப்பு

மொஹொமட் ஆஸிக்

கண்டி, டி.எஸ். சேனநாயக்கா வாசிகசாலை வளாகத்தில் 370 இலட்சம் ரூபாய் செலவில் „அமெரிக்கன் கோணர் என்ற பிரிவு நேற்று (26) திறந்து வைக்கப்பட்டது.

இந்நிகழ்வில், பிரதம அதிதியாக அமெரிக்க ஜனாதிபதி பராக் ஒபாமாவின் விசேட தூதுவராக, அவரது ஊடகப் பிரதிப்பணிப்பாளர் மெக்கோன் பிலிப்ஸ் கலந்துகொண்டு உத்தியோகபூர்வமாக  திறந்து வைத்தார்;. இதன்போது அவர் கருத்து தெரிவிக்கையில், 'இளைய தலைமுறையினருக்கு பல்வேறு வகையிலும் பயன்தரக் கூடிய வகையிலும் நாடுகளுக்கிடையே கலாசாரப் பரிமாற்றத்துக்கான தளமாகவும் இப்பிரிவு அமையும் என்றார்.

சர்வதேசத் தொடர்புகள், ஆங்கிலம், தகவல் தொழில்நுட்பம் போன்ற பல்வேறு துறைசார் தகவல்களையும் இலகுவாக பெற்றுக்கொள்ள முடியும். இது ஒரு வாசிகசாலையாக மட்டுமல்லாது, பல்வேறு உயர்;தர நிகழ்ச்சிகளைப் பரிமாறிக்கொள்ளும் இடமாகவும் இது அமையும்' என்றார்.