அரசியல் கைதிகள் விடுதலை கோரி நல்லூரில் போராட்டம்

-எஸ்.நிதர்ஷன்

சிறையில் தடுத்து வைக்கப்பட்டுள்ள அரசியல் கைதிகளை விடுதலை செய்யக் கோரி, நல்லூர் பின் பகுதியில், இன்று (28) காலை போராட்டமொன்று முன்னெடுக்கப்பட்டது.

அரசியல் கைதிகள் விடுதலைக்கான குரலற்றவர்களின் குரல் அமைப்பின் ஏற்பாட்டில் முன்னெடுக்கப்பட்ட இந்தப் போராட்டத்தில், அரசியல் கைதிகளின் உறவினர்கள், மதத் தலைவர்கள், அரசியல் கட்சிகளின் தலைவர்கள், நாடாளுமன்ற உறுப்பினர்கள், உள்ளுராட்சி மன்றங்களில் தவிசாளர்கள் உள்ளிட்ட பலரும் கலந்துகொண்டனர்.