ஜீவனை சந்தித்தார் ஸ்ரீதரன்

நிதர்ஷன் வினோத்

இலங்கை தமிழரசுக் கட்சியின் தலைவராக தெரிவாகியிருக்கும் சிவஞானம் ஸ்ரீதரனை மரியாதை நிமித்தம் இலங்கை தொழிலாளர் காங்கிரஸின் பொதுச் செயலாளரும் அமைச்சருமான ஜீவன் தொண்டமான் சந்தித்து கலந்துரையாடியுள்ளார். 

யாழ்ப்பாணத்தில் உள்ள ஸ்ரீதரனின் இல்லத்தில் இக்கலந்துரையாடல் வெள்ளிக்கிழமை (16) காலை இடம்பெற்றது.

இதன்போது இலங்கை தமிழரசுக்கட்சியின் தலைவராக தெரிவாகியிருக்கும் சிவஞானம் ஸ்ரீதரனுக்கு, ஜீவன் தொண்டமான் வாழ்த்துகளை தெரிவித்து கொண்டார்.

யாழ்ப்பாணம் கிளிநொச்சி மாவட்டத்தில் மேற்கொள்ளப்பட உள்ள  நீர் வழங்கல் தொடர்பிலான விடயங்கள் தொடர்பிலும் இதன்போது கலந்துரையாடப்பட்டது.