‘பொம்மைவெளி பகுதிகளின் வடிகாலமைப்பு சீரமைக்கப்படும்’

-என்.ராஜ்

யாழ்ப்பாணம் மாநகரசபை எல்லைக்குட்பட்ட பொம்மைவெளி, புதிய குடியிருப்பு ஆகிய பகுதிகளில் காணப்படும் வீதி வடிகால்கள் புனரமைக்கப்படுமென, நாடாளுமன்ற உறுப்பினர் அங்கஜன் இராமநாதன் தெரிவித்தார். 

அத்துடன், அப்பகுதிகளில் காணப்படும் போதைப்பொருள் பாவனை, மக்களின் மீள்குடியேற்றப் பிரச்சினை தொடர்பாக, தீர்வு காணப்படுமெனவும், அவர் கூறினார்.

குறித்த பகுதிகளுக்கு, இன்று (24) விஜயம் மேற்கொண்ட அங்கஜன் இராமநாதன் எம்.பி, அங்குள்ள நிலைமைகளைப் பார்வையிட்டப் பின்னர் கருத்துத் தெரிவிக்கும் போதே, அவர் மேற்கண்டவாறு தெரிவித்தார்.