‘லோட்டஸ் ஹைட்ரோ’ ஊழியர்களுக்கு காப்புறுதி வழங்க ‘ஸ்ராட்டஜிக்’ நடவடிக்கை

தூய வலுப்பிறப்பாக்கல் சேவைகளை விநியோகிப்பதில் ஈடுபட்டுள்ள லோட்டஸ் ஹைட்ரோ பிஎல்சி, தனது ஊழியர்களுக்குப் பாரதூர நோய்களுக்கான காப்புறுதிச் சேவைகளைப் பெற்றுக் கொடுப்பதற்காக ஸ்ராட்டஜிக் இன்சூரன்ஸ் உடன் கைகோர்த்துள்ளது.  

இந்தத் திட்டத்தை வழங்க முன்வந்தமை தொடர்பில், லோட்டஸ் ஹைட்ரோ முகாமைத்துவப் பணிப்பாளரும் மேனக அதுகோரல, ஸ்ராட்டஜிக் இன்சூரன்ஸ் விற்பனை மற்றும் செயற்பாடுகளுக்கான தலைமை அதிகாரியுமான ரூபிக தென்னகோன் ஆகியோர் தெரிவிக்கையில், “எமது சமூகப் பொறுப்புணர்வுச் செயற்பாடுகளின் அங்கமாக எமது ஊழியர்களின் நலன் தொடர்பில் கவனம் செலுத்த நாம் தீர்மானித்தோம். குறிப்பாக, எமது ஊழியரான லியனகே, விபத்தொன்றின் காரணமாக உயிரிழந்த போது, அவரின் குடும்பத்தாருக்கு அனுகூலமளிக்கும் வகையில் பாரியளவு கொடுப்பனவொன்றை இந்தக் காப்புறுதியினூடாகப் பெற்றுக் கொடுக்க முடிந்தது” என்றனர். 

குறிப்பாக பெருமளவான நிறுவனங்கள் காப்புறுதி என்பது ஒரு சுமையாக மாத்திரமே கருதுவதுடன், அவற்றை பெற்றுக் கொள்ள முன்வருவதில்லை. இதனால் குறித்த நிறுவனங்களின் ஊழியர்களும் பாதிக்கப்படுகின்றனர்.   

லோட்டஸ் நிறுவனத்தின் பணிப்பாளரான மேனக அதுகோரலயின் பரிந்துரைப்பின் அடிப்படையில், பரிபூரண காப்புறுதியை பெற நிறுவனம் தீர்மானித்தது.