பஸ் விபத்தில் 14 பேர் படுகாயம்

-எஸ்.என்.நிபோஜன், சுப்பிரமணியம் பாஸ்கரன்

கிளிநொச்சி அறிவியல் நகர்ப் பகுதியில் இன்று காலை 7 மணியளவில் ஏற்பட்ட பஸ் விபத்தில்  14  பேர் படு காயமடைந்து கிளிநொச்சி வைத்திய சாலையில் அனுமதிக்கப்பட்டுள்ளனர் .

அக்கரைப்பற்றில் இருந்து  யாழ்ப்பாணம் நோக்கிச் சென்று  கொண்டிருந்த  இலங்கை போக்குவரத்து சபைக்கு சொந்தமான  பஸ்ஸை, மல்லாவியில் இருந்து கீரிமலை சென்றுகொண்டிருந்த தனியார் மினி பஸ், முந்திச்செல்ல எத்தனித்த  ​போது, விபத்துக்குள்ளாகியுள்ளது.

மினி பஸ்சில்  பயணித்த ஆண்கள் 10 பேர் மற்றும் நான்கு பெண்கள் ஆகியோரே படுகாயமடைந்துள்ளனர்.
படுகாயமடைந்தவர்களில் இருவர்  அவசர சிகிச்சைப்  பிரிவில்  அனுமதிக்கப்பட்டுள்ளதாக கிளிநொச்சி வைத்தியசாலை வட்டாரத் தகவல்கள் தெரிவிக்கின்றன.

விபத்துத் தொடர்பான விசாரணைகளை  மாங்குளம் பொலிஸார் மேற்கொண்டு வருகின்றனர் .