போயா தினத்தில் மதுபானம் விற்பனை செய்த நபர் கைது

-க. அகரன்

வவுனியா - ஹொறவப்பொத்தான வீதி, இறம்பைக்குளம் பகுதியில், போயா தினமான நேற்று மதுபானம் விற்பனையில் ஈடுபட்ட நபர் ஒருவரைக் கைது செய்துள்ளதாக பொலிஸார் தெரிவித்தனர்.

புலனாய்வு பிரிவினருடன், போதை ஒழிப்புப் பிரிவினர் இணைந்து மேற்கொண்ட நடவடிக்கையின் போது, ஹொறவப்பொத்தான வீதி, இறம்பைக்குளம் பகுதியில், மதுபானம் இரவு 8 மணியளவில் விற்பனை செய்யப்பட்டு வருவதாகக் கிடைத்த தகவல் ஒன்றின் அடிப்படையில் அப்பகுதியில் நடவடிக்கை மேற்கொண்ட பொலிஸார் தமது சோதனையின் போது 26 மதுபானத்தைக் கைப்பற்றியதுடன் 40 வயதுடைய நபர் ஒருவரையும் கைதுசெய்துள்ளனர்.