ரயிலில் மோதி இளம் குடும்பஸ்தர் பலி

-எஸ்.றொசேரியன் லெம்பேட்

தலைமன்னாரில் இருந்து நேற்று வெள்ளிக்கிழமை (4) இரவு, கொழும்பு நோக்கிப் பயணித்த ரயிலில் மோதுண்டு, இளம் குடும்பஸ்தர் ஒருவர் உயிரிழந்துள்ளார்.

உயிரிழந்தவர், மன்னார் - புதுக்குடியிறுப்புக் கிராமத்தைச் சேர்ந்த இளம் குடும்பஸ்தரான முஹம்மது நஜிபுதீன் (வயது 29) என அடையாளம் காணப்பட்டுள்ளார்.

தலைமன்னார்-மன்னார் பிரதான வீதி சின்னக்கருசல் பகுதியிலுள்ள புகையிரத வீதியிலே இந்த விபத்து இடம்பெற்றுள்ளது.

இன்று சனிக்கிழமை (5) காலை சடலத்தைக் கண்ட கிராம மக்கள் மன்னார் பொலிஸாருக்குத் தகவல் வழங்கிய நிலையில் சம்பவ இடத்துக்கு விரைந்து சென்ற மன்னார் பொலிஸார், சடலத்தை மீட்டதோடு, மேலதிக விசாரணைகளையும் மேற்கொண்டு வருகின்றனர்.