போதைப்பொருள் கடத்தல்காரர்களுக்கு உதவிய கிளி பொலிஸாரினால் கைது

போதைப்பொருள் கடத்தும் கும்பலொன்று தப்பிச் செல்வதற்கு உதவிப் புரிந்த குற்றச்சாட்டில் கிளியொன்றை கொலம்பிய பொலிஸார் கைது செய்துள்ளனர்.

பாரான்குயிலா நகரில் போதைப் பொருள் கடத்தும் கும்பலொன்று மறைந்திருந்த இடத்தை சுமார் 300 பொலிஸார் சுற்றி வளைத்தபோது இச்சம்பவம் இடம்பெற்றுள்ளதாக கொலம்பிய செய்தி நாளிதழான 'எல் ஹெரால்டோ ' தெரிவித்துள்ளது.

தமக்கு கிடைத்த இரகசிய தகவலொன்றையடுத்து பொலிஸார் அவ்விடத்தை சுற்றி வளைத்தனர்.
 
எப்படியிருப்பினும் போதைப்பொருள் கடத்தலுடன் தொடர்புடைய அனைவரும் வீட்டிலிருந்த இந்தக் கிளியினால் தப்பித்துள்ளனனர்.

லோரன்ஸோ என்ற மேற்படி கிளி 'ஓடு ஓடு அல்லது பூனை உண்ணப்போகிறது' என்று கூறி எச்சரித்ததால் போதைப் பொருள் கடத்தல் காரர்கள் அனைவருமே  உஷாரடைந்து தப்பியோடியுள்ளனர்.

பொலிஸ் தம்மை தேடி வரும்போது அந்த வசனத்தை கூறுவதற்கு லோரன்ஸா என்ற இந்தக் கிளிக்கு போதைப் பொருள் கடத்தல்காரர்கள் நன்கு பயிற்சியளித்துள்ளனர்.

மேற்படி கிளி பொலிஸாரினால் கைது செய்யப்பட்டு மிருக உரிமைகள் அமைப்பொன்றிடம் கையளிக்கப்பட்டது.  

அந்தப் பறவை காரில் கொண்டு செல்லப்படும்போதும் 'ஒடு ஓடு' என்று கூறிக்கொண்டே வந்தது என்று பொலிஸார் மேற்படி நாளிதழக்குத் தெரிவித்துள்ளார்.