18 வயது யுவதியை கொலை செய்த குற்றச்சாட்டில் ஒருவர் கைது

Suganthini Ratnam / 2012 ஒக்டோபர் 09 , மு.ப. 04:10 - 0 - {{hitsCtrl.values.hits}}

(எஸ்.எம்.மும்தாஜ்,அப்துல்லாஹ்)

ஆனமடு, திவுல்வெவ பிரதேசத்தில் இளம் பெண்ணொருவரைக் கொலை செய்த குற்றச்சாட்டின் பேரில் ஒருவர் நேற்று திங்கட்கிழமை இரவு கைதுசெய்யப்பட்டுள்ளார்.

ஆனமடு, திவுல்வெவ பிரதேசத்தில் திருமணமாகாத நிலையில் குழந்தையொன்றின் தாயை நேற்று திங்கட்கிழமை இரவு கொலை செய்த குற்றச்சாட்டின் பேரில் இவர் கைதுசெய்யப்பட்டுள்ளதாக ஆனமடு பொலிஸார் தெரிவித்தனர்.

ஆனமடு திவுல்வௌ பிரதேசத்தைச் சேர்ந்த உதேசிகா (வயது 18) என்ற பெண்ணே இவ்வாறு கொலை செய்யப்பட்டவராவர்.

இப்பெண்ணும் சந்தேக நபரும் 3 வருடங்களுக்கு முன்னர் பிரதேசத்தை விட்டு வெளியேறி பிறிதொரு இடத்தில் கணவன், மனைவியாக வாழ்ந்துவந்ததாகவும் இவர்களுக்கு ஒன்றரை வயதில் குழந்தையொன்று உள்ளதாகவும் உறவினர்கள் தெரிவித்தனர்.

இப்பெண் 3 வருடங்களுக்கு முன்னர் 15 வயதை உடையவரென்பதால் சிறுமியைக் கடத்திச் சென்ற குற்றச்சாட்டின் பேரில் சந்தேக நபருக்கு எதிராக ஆனமடு நீதிமன்றத்தில் தற்போது வழக்கு விசாரணை நடைபெறுவதாகவும் உறவினர்கள் கூறினர்.

சட்டப்படி திருமணம் செய்துகொள்ளாத இவர்கள் சில காலம் கணவன், மனைவியாக வாழ்ந்துவந்ததாகவும் பின்னர் இப்பெண் சந்தேக நபரை விட்டுப் பிரிந்து தனது தாயுடன் வாழ்ந்துவந்துள்ளார். இந்நிலையில், சந்தேக நபர் தன்னுடன் வருமாறு பல தடவைகள் இப்பெண்ணிடம் கேட்டபோதிலும், இதனை இப்பெண் மறுத்துவந்துள்ளதாகவும் உறவினர்கள் குறிப்பிட்டனர்.

நேற்றையதினம் இப்பெண்ணை சந்தித்த சந்தேக நபர் தன்னுடன் வருமாறு கேட்டதாகவும் இதற்கு மறுப்புத் தெரிவித்த இப்பெண்ணை ஆத்திரமடைந்த சந்தேக நபர் கத்தியால் குத்தியும் பொல்லால் தாக்கியதாகவும் பொலிஸார் தெரிவித்தனர்.

படுகாயமடைந்த இப்பெண் ஆனமடு வைத்தியசாலையில் அனுமதிக்கப்பட்டு பின்னர் அங்கிருந்து புத்தளம் தள வைத்தியசாலைக்கு மாற்றப்பட்ட நிலையில் சிகிச்சை பலனின்றி உயிரிழந்தார்.

இச்சம்பவம் தொடர்பில் ஆனமடு பொலிஸார் விசாரணையை முன்னெடுத்துள்ளனர்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .

பெயர்:

மின்னஞ்சல்:

உங்கள் கருத்து:

Tamil Mirror

18 வயது யுவதியை கொலை செய்த குற்றச்சாட்டில் ஒருவர் கைது

RECOMMENDED

திருகோணமலை இராவணேஸ்வரன் தமிழ் வித்தியாலயத்துக்கு டயலொக் உதவி

யூனியன் அஷ்யூரன்ஸ் INVESTMENT+ ஆயுள் காப்பீட்டுடனான முதலீட்டு வாய்ப்பு

அம்பாந்தோட்டையில் டயலொக் கடற்கரை கால்பந்து சம்பியன்ஷிப் 2021

TODAY'S HEADLINES

காணொளி வைரல்: ஆணுறுப்பைக் காண்பித்தவர் கைது

ஓட்டுநர் உரிமங்களை அச்சிடும் பணி மீள ஆரம்பம்

மாணவர்களுக்கு ஹெரோயின் வழங்கிய இருவர் கைது

வெளிநாட்டுப் பெண்ணுக்கு பாலியல் வன்கொடுமை: உள்நாட்டு ஆணுக்கு வலை

Comments - 0

TODAY'S HEADLINES

காணொளி வைரல்: ஆணுறுப்பைக் காண்பித்தவர் கைது

ஓட்டுநர் உரிமங்களை அச்சிடும் பணி மீள ஆரம்பம்

மாணவர்களுக்கு ஹெரோயின் வழங்கிய இருவர் கைது

வெளிநாட்டுப் பெண்ணுக்கு பாலியல் வன்கொடுமை: உள்நாட்டு ஆணுக்கு வலை

சினிமா

வாரணாசியால் இந்தியாவே பெருமைப்படும்: மகேஷ் பாபு

“ராஷ்மிகா மந்தனா தேசிய விருதுக்கு தகுதியானவர்”

“உலகில் சிறந்தது ஐதராபாத் பிரியாணி”

நாளை வெளியாகும் தமிழ் திரைப்படங்கள்