ஹெரோயின் பொதியுடன் பெண் கைது

சட்டவிரோத ஹெரோயின் போதைப்பொருள் விற்பனையில் ஈடுபட்டார் என்ற சந்தேகத்தின் பேரில், கொழும்பு குற்றபுலனாய்வு பிரிவினரால் நேற்று செவ்வாய்கிழமை (16) பெண்ணொருவர் கைது செய்யப்பட்டுள்ளார்.

கொழும்பு குற்றப்புலனாய்வு அதிகாரிகளுக்கு கிடைத்த தகவல் ஒன்றின் அடிப்படையில் நடத்தப்பட்ட தேடுதல் வேட்டை ஒன்றின் போதே குறித்த பெண் கைது செய்யப்பட்டுள்ளார்.

கொழும்பு கிராண்ட்பாஸ் பொலிஸ் பிரிவிற்குட்பட்ட பாலத்துறை, 75ஆம் தோட்டத்தில் வைத்தே மேற்படி பெண்ணை கைது செய்ததாகவும் அவரிடம் இருந்து 11 கிராம் 660 மில்லிகிராம் நிறையுடைய ஹெரோயின் போதைப்பொருள் பொதியொன்று கைப்பற்றப்பட்டுள்ளதாகவும் அப்பெண்ணை நீதிமன்றத்தில் ஆஜர்படுத்த நடவடிக்கை எடுக்கப்பட்டுள்ளது எனவும் பொலிஸார் தெரிவித்தனர்.