தீபிகாவுக்கு ஏமாற்றம்

பொலிவூட் நடிகையான தீபிகா படுகோனே, இப்போது ஹொலிவூட்டிலும் பிரபலமாகிவிட்டார். தற்போது அவர், வின் டீசல் உடன் 'டிரிபிள் எக்ஸ்' படத்தில் பிஸியாக நடித்து வருகிறார். இதனிடையே இன்னொரு ஹொலிவூட் படத்தில் நடிக்க தீபிகாவுக்கு வாய்ப்பு வந்தது. அதாவது ஹொலிவூட்டின் ஆக்ஷன் ஸ்டாரான டொம் குரூஸ் நடிப்பில் 'தி மம்மி' படம் உருவாக இருக்கிறது. இதில் நடிக்க தீபிகாவுக்கு வாய்ப்பு வந்தது.

படத்தின் கதைப்படி பிளாஸ்பேக்கில் வரும் ராணி கதாபாத்திரத்தில் தீபிகா நடிக்க வேண்டுமாம். இந்த ராணி வேடத்துக்கு ஆசிய பெண் ஒருவர் நடித்தால் சிறப்பாக இருக்கும் என்று இயக்குநர் கருத, தீபிகாவை வைத்து நேர்முக தேர்வு நடத்தியிருக்கிறார். ஆனால், தீபிகாவுக்கு அந்த ரோல் செட்டாகவில்லையாம். இதனால் தீபிகாவுக்கு இப்பட வாய்ப்பு கிட்டாமல் போய்விட்டது.

வின் டீசலை தொடர்ந்து டொம் குரூஸ் உடனும் நடித்து விடலாம் என்று எண்ணியிருந்த தீபிகாவுக்கு இது ஏமாற்றமாகிவிட்டது.