தயாராகிறது அஜித்தின் 'பில்லா 2'

சூப்பர் ஸ்டார் ரஜனிகாந்தின் அற்புதமான நடிப்பில் வெளிவந்த 'பில்லா' படத்தினை எளிதில் யாரும் மறந்துவிட மாட்டார்கள். அந்தளவுக்கு அற்புதமாக ரஜினி அப்படத்தில் நடித்திருப்பார். அந்த வெற்றிப்படத்தினை அஜித்திற்காக 'றீமேக்' செய்தார்கள். அஜித்தின் 'பில்லா' படமும் பெரும் வெற்றிபெற்றது. அதனைத் தொடர்ந்து இப்பொழுது 'பில்லா' படத்தின் பாகம் இரண்டை வெளியிடுவதற்கு தயாராகி வருகிறார்கள்.

ரஜனியின் 'பில்லா' படத்தினை தயாரித்த கே.பாலாஜியின் மகன் சுரேஷ் பாலாஜி, அஜித்தின் 'பில்லா பாகம் 2'இனை தயாரிக்கவுள்ளார். இயக்குநர் விஸ்ணுவர்த்தனே இரண்டாவது பாகத்தினையும் இயக்கவுள்ளார்.

வெங்கட் பிரபுவின் இயக்கத்தில் 'மங்காத்தா' படத்தில் நடித்துவரும் அஜித், அப்படப்பிடிப்பு முடிவடைந்ததும் எதிர்வரும் மார்ச் மாதம் 'பில்லா பாகம்2'இல் நடிப்பார் என அறியவருகிறது. ஆகையினால் அஜித்தின் மற்றுமொரு வெற்றிப்படத்திற்கு தயாராகி வருகிறார்கள் அவரது ரசிகர்கள்.