எந்திரனும் ரஜனி மகளின் கல்யாணமும்

தினம் தினம் ரசிகர்களினால் எதிர்பார்க்கப்படுகின்ற 'எந்திரன்' திரைப்படத்தின் பாடல்கள் வெளியாகி சரித்திரம் படைத்திருக்கிறது. இணைய தரவிறக்கத்தில் உலகில் முதலிடத்தில் இருந்து இப்பொழுது குறைந்துள்ளது. அப்படி இருப்பினும் உலக சரித்திரத்தில் இணைய தரவிறக்கத்தில் முதலிடம் பிடித்த தமிழ் திரைப்படம் என்ற சாதனையை எந்திரன் பெற்றுக்கொண்டது.

இப்பொழுது எந்திரனின் வெளியீட்டு திகதி உத்தியோகபூர்வமாக அறிவிக்கப்பட்டிருக்கிறது. ரஜனி-லதா தம்பதிகளின் இளைய மகள் சௌந்தர்யாவுக்கும் கட்டுமானத் தொழிலதிபரின் மகன் அஸ்வினுக்கும் செப்டெம்பர் 3ஆம் திகதி சென்னையில் திருமணம் நடைபெறுகிறது. அந்த நாளிலேயே எந்திரனையும் வெளியிடுவதென்று ஏகமனதாக ஒப்புக்கொண்டிருக்கிறார்கள்.

உலகளாவிய ரீதியில் எந்திரன் திரைப்படம் 3000 திரையரங்குகளில் வெளியிடுகின்றமையும் ஒரு சாதனைதான். ஆகையினால் எந்திரன் திரைப்படம் மிகப்பெரிய வெற்றியை அள்ளித்தரும் என்ற நம்பிக்கையில் எல்லோரும் காத்திருக்கிறார்கள். தனது மூத்த மகளின் கல்யாணத்திற்கு ரசிகர் மன்ற உறுப்பினர்களை அழைக்காத ரஜனி, இளைய மகளின் திருமணத்திற்கு அனைவரையும் அழைத்திருக்கிறார். இதனால் இரட்டிப்பு மகிழ்ச்சியில் ரசிகர்கள் திக்குமுக்காடிப்போயுள்ளனர்.

இசையில் சாதனை படைத்ததுபோலவே திரைப்படமும் பாரிய வெற்றியடையுமென உலகளாவிய ரீதியிலுள்ள ரசிகர்கள் செப்டெம்பர் 3ஆம் திகதியிற்காக காத்திருக்கிறார்கள்.