கோபம் எனது பலவீனம் - ரஜினிகாந்த்

கோபம் என்பது என்னுடைய பலம் என நீண்ட நாள் நினைத்துக் கொண்டிருந்த எனக்கு, அது பலம் அல்ல, பலவீனம் என புரிய வைத்தவர் கவியரசு வைரமுத்து. ஏனெனில், அவர் என்னை விட அதிக கோபக்காரர் என சூப்பர் ஸ்டார் ரஜினிகாந்த் தெரிவித்துள்ளார். வீட்டில் மகிழ்ச்சியாக இருந்தால்தான், உலகின் எந்த மூலைக்குச் சென்றாலும் மகிழ்ச்சியாக இருக்க முடியும். எனவே, முதலில் வீட்டில் மகிழ்ச்சியாக இருக்க வேண்டும் என்றும் அவர் சுட்டிக்காட்டியுள்ளார்.  

வைரமுத்து மகன் கபிலன் திருமண நிகழ்ச்சியில் கலந்துகொண்ட நிலையில் ஊடகவியலாளர்களுக்கு கருத்து தெரிவித்துள்ள ரஜினி, மேற்கண்டவாறு கூறியுள்ளார்.

இதன்போது, திருமணத்தில் அனைவரையும் திருப்திபடுத்த வேண்டும் என்பது முடியாத காரியம். அவ்வாறு அனைவரையும் திருப்திபடுத்த வேண்டும் என்று நினைப்பவன் மிகப் பெரிய முட்டாள் என்றும்  இரண்டு திருமணத்தை நடத்தியதன் மூலம் தான் அதைத் தெரிந்து கொண்டதாகவும் கூறியுள்ளார்.

இது தெரிந்திருந்தும் அனைவரையும் திருப்திபடுத்த வேண்டும் என்று கவிஞர் வைரமுத்து இங்கு எடுத்திருக்கும் முயற்சி பாராட்டுக்குரியது என்றும் அவர் சுட்டிக்காட்டியுள்ளமை குறிப்பிடத்தக்கது.