எனக்கு யாரும் போட்டியாக முடியாது: அசின்

Menaka Mookandi / 2012 ஜூன் 06 , மு.ப. 11:23 - 0 - {{hitsCtrl.values.hits}}

'எனக்கு யாரும் போட்டியில்லை. நானும் யாருக்கும் போட்டியில்லை' என்று நடிகை அசின் கூறியுள்ளார். இந்தி திரைப்பட உலகில் அசினுக்கு ஒரு இடம் கிடைத்துவிட்டது. தொடர்ந்து அவரது இரு திரைப்படங்கள் நன்றாக ஓடியுள்ளன. அடுத்து அக்ஷய்குமார் ஜோடியாக 'கில்லாடி 786' என்ற திரைப்படத்தில் நடிக்க ஒப்பந்தமாகியுள்ளார். '2 ஸ்டேட்ஸ்' திரைப்படமும் கைவசம் உள்ளது.

அசினுக்கு கிடைக்கும் முக்கியத்துவம் அங்குள்ள நடிகைகளை கடுப்பேற்றியுள்ளதாகக் கூறப்படுகிறது. அவரது வாய்ப்புகளைப் பறிக்கவும் முயற்சிக்கிறார்களாம்.

இதுகுறித்து கருத்து வெளியிட்டுள்ள அசின், 'சினிமாவில் இதையெல்லாம் யோசித்துக் கொண்டிருந்தால் அவ்வளவுதான். நான் எந்த நடிகைக்கும் போட்டியாக இல்லை. எனக்கும் யாரும் போட்டியாக வரமுடியாது. இந்தியில் நல்ல கதாபாத்திரங்களில் நடித்து வருகிறேன்.

இப்போதுதான் எனக்கென ஒரு நல்ல இடம் அங்கு கிடைத்துள்ளது. ஏனைய நடிகைகளை விட நான் திறமையான நடிகை என்று நிரூபிப்பது என் நோக்கமல்ல' என்று கூறியுள்ளார் அசின்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .