2026 ஏப்ரல் 13, திங்கட்கிழமை

மீண்டும் சிம்பு – நயன்...

Menaka Mookandi   / 2013 நவம்பர் 19 , மு.ப. 11:32 - 0     - {{hitsCtrl.values.hits}}


நயன்தாரா மீண்டும் சிம்புவுடன் ஜோடி சேர்ந்து நடிக்கிறாராம். நயன்தாரா, சிம்பு ஜோடியாக நடித்த திரைப்படம் வல்லவன். அந்த திரைப்படத்தில் நடித்த இந்த ஜோடி காதலில் விழுந்தது. அவர்கள் இருவரும் ஜோடியாக பல இடங்களுக்கு சென்று வந்தனர்.

இதையடுத்து அவர்கள் நெருக்கமாக இருக்கும் புகைப்படங்கள் இணையத் தளங்களில் வெளியாகி பரபரப்பை ஏற்படுத்தின. நயன்தாரா, சிம்புவின் காதல் தோல்வி அடைந்தது. இதையடுத்து அவர்கள் ஆளுக்கொரு திசையாக சென்றுவிட்டனர்.

'பசங்க' திரைப்பட இயக்குநர் பாண்டிராஜ் இயக்கத்தில் நடிகர் சிம்பு தற்போது ஒரு திரைப்படத்தில் நடித்துக் கொண்டிருக்கிறார். அந்த திரைப்படத்தின் முதல்கட்ட படப்பிடிப்பு முடிந்துவிட்டது.

அத்திரைப்படத்தில் சிம்புவுக்கு ஜோடியாக ஒரு தேவதையை தேடி வந்தார் பாண்டிராஜ். பாண்டிராஜ் தனது திரைப்படத்தில் சிம்புவுக்கு ஜோடியாக நயன்தாராவை நடிக்க வைக்கிறாராம்.

இது குறித்த அதிகாரப்பூர்வ அறிவிப்பு இன்று (19) வெளியிடப்படும் என்று கூறப்படுகிறது. நயன்தாரா தனது முன்னாள் காதலருடன் சேர்ந்து ஒரு திரைப்படத்தில் நடிக்க ஒப்புக் கொண்டுள்ளது பரபரப்பை ஏற்படுத்தியுள்ளது.

இதேவேளை, சிம்புவும் அவரது காதலி ஹன்சிகாவும் பிரிந்துவிட்டதாக செய்திகள் வெளியாகியுள்ளன. சிம்புவும், ஹன்சிகாவும் காதலிப்பதாக கிசுகிசுக்கள் கிளம்பின. இதையடுத்து அவர்கள் தங்கள் காதலை ஒப்புக் கொண்டனர். காதலை ஒப்புக் கொண்ட கையோடு ஹன்சிகாவின் மார்க்கெட் அடியாகப் பார்த்தது.

இதையடுத்து அவர் 5 ஆண்டுகளுக்கு பிறகு தான் திருமணம் என்று அறிவித்து சரிந்த மார்க்கெட்டை தூக்கி நிறுத்தினார். ஹன்சிகா, சிம்பு இடையே கடந்த சில மாதங்களாக பிரச்சினை இருந்து வந்ததாக செய்திகள் வெளியாகின. சிம்பு திருமணத்திற்கு அவசரப்படுவதும், ஹன்சிகா தள்ளிப் போடுவதும் தான் பிரச்சினைக்கு காரணம் என்று கூறப்பட்டது.

சிம்பு, ஹன்சிகாவுக்கு இடையே பிரச்சினை என்ற நிலையில் அவர்கள் சுமூகமாக பிரிந்துவிட்டார்களாம். தாங்கள் பிரிந்ததற்காக ஒருவர் மீது மற்றொருவர் பழிபோட விரும்பவில்லையாம். அதனால் தான் சத்தமில்லாமல் பிரிந்துவிட்டார்களாம்.

சிம்புவும், ஹன்சிகாவும் நடித்த வாலு திரைப்படம் சிம்புவின் பிறந்தநாளன்று வெளியாகவிருக்கிறது. இந்நிலையில் அவர்கள் பிரிந்தது ரசிகர்களை கவலை அடைய வைத்துள்ளது.

இந்நிலையிலேயே ஹன்சிகாவை பிரிந்துள்ள சிம்பு பாண்டிராஜ் திரைப்படத்திற்காக தனது முன்னாள் காதலி நயன்தாராவுடன் சேர்ந்து நடிக்கவிருக்கிறாராம்.







  Comments - 0

  • allwin str Wednesday, 20 November 2013 03:54 AM

    ஓகே....

    Reply : 0       0

    niyas Wednesday, 20 November 2013 06:59 AM

    மிக முக்கியம்

    Reply : 0       0


அன்புள்ள வாசகர்களே,

நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .