வாய்ப்பை உதறிய தபு

Menaka Mookandi / 2014 மார்ச் 16 , பி.ப. 07:43 - 0 - {{hitsCtrl.values.hits}}

இந்தி நடிகை பிரியங்கா சோப்ராவுக்கு நான் அம்மாவா? மறுபடியும் இப்படி சொல்லாதீங்க என்று டைரக்டரிடம் கடிந்துகொண்டு பட வாய்ப்பை நிராகரித்துள்ளார் நடிகை தபு.

தமிழில் காதல் தேசம், சிறைச்சாலை, கண்டுகொண்டேன் கண்டுகொண்டேன், சிநேகிதியே, டேவிட் உள்ளிட்ட திரைப்படங்களில் நடித்திருந்தவர் தபு.

பொலிவுட் நடிகையான இவருக்கு திரைப்பட வாய்ப்புகள் நிறைய வந்தபோதும் மனதுக்கு பிடித்த வேடம் மட்டுமே ஏற்று நடிக்கிறார்.

அண்மையில் பெண் இயக்குனர் ஸோயா அததர் இயக்கும் இந்தி திரைப்படத்தில் பிரியங்கா சோப்ராவுக்கு அம்மாவாக நடிக்க வாய்ப்பு வந்தது. பிரியங்காவுக்கு 31 வயது. தபுவுக்கு 42 வயது. 11 வயது மட்டுமே இருவருக்கும் வித்தியாசம்.

வயது அதிகமான பெண்களுக்கு அம்மாவாக நடிக்கும் அளவுக்கு எனக்கு வயதாகிவிடவில்லை. அப்படியே அந்த வேடம் ஏற்று நடித்தாலும் அது எனக்கு பொருத்தமாக இருக்காது. இன்னொருமுறை இந்த வேடத்தில் நடிக்க கேட்காதீர்கள் என்று ஸோயாவிடம் எரிந்து விழுந்தார் தபு.

பதறிப்போன ஸோயா, மன்னிப்பு கேட்டுவிட்டு அங்கிருந்து நகர்ந்தவர் வேறு அம்மா நடிகையை தேடிக்கொண்டிருக்கிறாராம். அண்மையில் திரைக்கு வந்த சல்மான் கானின் ஜெய் ஹோ திரைப்படத்தில் அவருக்கு அக்காவாக தபு நடித்திருந்தமை குறிப்பிடத்தக்கது.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .