YGC 5 அணி அறிமுகம்: Pargus அணியின் Auto Self Care

Auto Self Care எனப்படும் வாகன இயந்திரங்களின் நிலைமை, வாகன ஓட்டுநர்களின்  வாகனமோட்டும் இயல்பு என்பனவற்றைக் கையடக்கமான இலத்திரனியல் உபகரணம், திறன்பேசிச் செயலியொன்றின் மூலம் கண்டறியக்கூடிய படைப்பொன்றினைத் தயாரித்திருந்த ஹரிஷாந்த், நிரோஜன், சஜீவன்,சிவரஞ்சன், கோகுலன் ஆகியோரைக் கொண்ட Pargus  அணியானது Yarl Geek Challengeஇன் ஐந்தாவது பருவகாலத்தின் வெற்றியாளர்களாக தெரிவாகியிருந்தது.

இத்தசாப்தத்துக்கான தொழில்நுட்பம் எனக் கூறப்படும் IOT தொழில்நுட்பத்தின் உதவியுடன் OBD 2 எனும் வன்பொருள், அன்ட்ரொயிட்  திறன் பேசி தொழில்நுட்பத்துடன் ஆன செயலியுடன்  இணைந்து செயலாற்றுவதன் மூலம் உங்கள் வாகனத்துக்குள் இருக்கும் முக்கியமான உபகரணங்கள், செயற்பாடுகள் அனைத்தையும் உங்கள் திறன்பேசியின் உதவியுடன் அறியக்கூடியதாக Auto Self Care உருவாக்கப்பட்டுள்ளது.

Auto Self Careக்கான தேவை உலகெங்கும் அதிகரித்துவருவதானால் இதனை உடனடியாக சந்தைப்படுத்த Pargus அணி எண்ணியுள்ளது.