மலைநாட்டின் எழில்மிகு நுவரெலியாவில் அமைந்துள்ள காயத்ரி பீடம் - ஸ்ரீலங்காதீஸ்வரர் ஆலயத்தில், வருஷாபிஷேகப் பெருவிழா இன்று (31.03.2026) காலை 9:30 மணியளவில் பக்தி
பூர்வமாகத் தொடங்கியது.
பக்திப் பெருக்குடன் நடைபெற்ற பூசை நிகழ்வுகள்:
• மகா யாகம்: ஆலயத்தில் அமைக்கப்பட்டுள்ள விசேட யாகசாலையில் கணபதி ஹோமத்துடன் மகா யாகம் மிகவும் சிறப்பாக நடைபெற்றது.
• அஷ்டோத்திர சத சங்காபிஷேகம்: 108 சங்குகள் வைக்கப்பட்டு, வேத மந்திரங்கள் முழங்க நடைபெற்ற மகா பூர்ணாகுதியைத் தொடர்ந்து, புனித நீர் அடங்கிய சங்குகளைக் கொண்டு அபிஷேகங்கள் இடம்பெற்றன.
• பானலிங்க அபிஷேகம்: 108 பானலிங்கங்களுக்கும் முறைப்படி புனித கும்ப நீர் சொரியப்பட்டு, மகா அபிஷேகம் வெகு விமர்சையாக நடைபெற்றது.
• அலங்காரப் பூசை: அபிஷேகத்தை அடுத்து, சுவாமிக்கு விசேட மலர் அலங்காரங்கள் செய்யப்பட்டு, மகா தீபாராதனை காண்பிக்கப்பட்டது.
அன்னதானமும் மக்கள் பங்கேற்பும்:
பூசை வழிபாடுகளைத் தொடர்ந்து, மகேஸ்வர பூசை நடைபெற்று, வருகை தந்திருந்த பக்தர்களுக்குப் பிரசாதமும் அன்னதானமும் வழங்கப்பட்டன.
இந்த வருஷாபிஷேக நிகழ்வில் பெருந்திரளான பக்தர்கள் கலந்துகொண்டு, ஸ்ரீலங்காதீஸ்வரரின் அருளாசியைப் பெற்றுச் சென்றமை குறிப்பிடத்தக்கது.
கஜரூபன் திவ்யா
