வரலாற்றில் இன்று: மே 01

1707: இங்கிலாந்தையும் ஸ்கொட்லாந்தையும் இணைத்து பெரிய பிரித்தானிய ராஜ்ஜியம் உருவாக்கப்பட்டது.

1884: அமெரிக்காவில் 8 மணித்தியால வேலை நாள் கோரிக்கை வலியுறுத்தப்பட்டது.

1886: அமெரிக்காவில் 8 மணித்தியால வேலை நாள் கோரி, பாரிய ஆர்ப்பாட்டங்கள் நடத்தப்பட்டன.

1940: இரண்டாவது உலக யுத்தம் காரணமாக ஒலிம்பிக் போட்டி ரத்துச் செய்யப்பட்டது.

1945: ஜேர்மன் அதிபர் அடோல்வ் ஹிட்லர் இறந்தமை குறித்து ஜேர்மன் அரசாங்கம் உத்தியோகபூர்வமாக அறிவித்தது.

1948: கொரிய ஜனநாயக மக்கள் குடியரசு (வடகொரியா) உருவாக்கப்பட்டது.

1956: போலிய தடுப்பு மருந்து பொதுமக்களுக்கு கிடைக்கச் செய்யப்பட்டது.

1961: கியூப பிரதமர் பிடெல் காஸ்ட்ரோ தேர்தல்களை ரத்துச்செய்வதாக அறிவித்தார்.

1993: இலங்கை ஜனாதிபதி ரனசிங்க பிரேமதாஸ கொழும்பில் மே தின ஊர்வலத்தின்போது தமிழீழ விடுதலைப் புலிகளின் தற்கொலை குண்டுத்தாக்குதலில் பலியானார்.

1994: 3 தடவை போர்மியூலா வன் உலக சம்பியன் பட்டம் வென்ற பிரேஸில் வீரர் அயர்ட்டன் சென்னா இத்தாலியில் நடைபெற்ற போட்டியொன்றின்போது விபத்தில் சிக்கி உயிரிழந்தார்.

2003: ஈராக்கில் பாரிய இராணுவ தாக்குதல் நடவடிக்கைகள் முடிவடைந்துள்ளதாக அமெரிக்க ஜனாதிபதி ஜோர்ஜ் டபிள்யூ புஷ் அறிவித்தார்.

2009: சுவீடனில் ஒருபால் திருமணம் சட்டபூர்வமாக்கப்பட்டது.

2011: அல் கைதா அமைப்பின் தலைவர் ஒசாமா பின் லாடன், அமெரிக்கப் படையினரால் பாகிஸ்தானில் சுட்டுக் கொல்லப்பட்டார்.