மின்வெட்டால் மக்கள் சிரமம்.

(எம்.ஐ.எம்.அஸ்ஹர்)

கல்முனை மாநாகரசபைக்கு உட்பட்ட கல்முனை மற்றும் கல்முனைக்குடி பிரதேசங்களில் கடந்த சில தினங்களாக அடிக்கடி மின்சாரம் தடைப்படுவதனால் பொதுமக்களும் மாணவர்களும் மிகுந்த சிரமங்களை எதிர்நோக்கி வருகின்றனர்.

கல்முனைக்குடி, சாஹிபு வீதி, ஹனிபா வீதி, அலியார் வீதி, நகர மண் வீதி மற்றும் புதிய வீதி ஆகிய பிரதேசங்களில் பகல் மற்றும் இரவு வேளைகளில் அடிக்கடி மின்சாரம் துண்டிக்கப்படுகின்றது.

இவ்வாறு அடிக்கடி மின்சாரம் துண்டிக்கப்படுவதால் இரவு வேளைகளில் பாடசாலை மாணவர்கள் தமது மீட்டல் நடவடிக்கைகளை மேற்கொள்ள முடியாதுள்ளதாக மாணவர்கள் கவலையடைந்துள்ளனர்.

தொடர்ந்து இடம்பெற்றுவரும் இந்த தடையைச் சீர் செய்து தடையின்றி மின்சாரத்தை வழங்க இலங்கை மின்சார சபை உயர் அதிகாரிகள் நடவடிக்கை எடுக்குமாறு பொதுமக்கள் வேண்டுக்கோள் விடுக்கின்றனர்.