அடுத்தடுத்து 3 வாகனங்கள் மோதல்; 6 பேர் உயிரிழப்பு

அமெரிக்காவின் டெக்சாஸ் மாகாணம் ஜார்ஜ்வெஸ்ட் பகுதியில் உள்ள நெடுஞ்சாலையில் நேற்று முன்தினம்(02) அதிவேகமாக வந்த மினிவேன் ஒன்று முன்னால் சென்றுகொண்டிருந்த வாகனத்தை முந்திச்  செல்ல முயன்றுள்ளது.

இதில் கட்டுப்பாட்டை இழந்த வேன், எதிரே வந்த கார் மீது பயங்கரமாக மோதியது. அதை தொடர்ந்து மினிவேனுக்கு பின்னால் வந்த மற்றொரு காரும் மினிவேன் மீது மோதியது.

இவ்வாறு அடுத்தடுத்து நடந்த மோதலில் 3 வாகனங்களில் இருந்தவர்களும் தூக்கி வீசப்பட்டனர்.

இத்தொடர் விபத்தில் 6 பேர் சம்பவ இடத்திலேயே உயிரிழந்துள்ளனர் எனவும், ஐவர் படுகாயங்களுக்குள்ளான நிலையில் வைத்திய சாலையில் அனுமதிக்கப்பட்டு சிகிச்சை பெற்று வருகின்றனர் எனவும் தெரிவிக்கப்பட்டுள்ளது.