‘‘இந்​தியா பள்​ளிக் குழந்தை அல்ல. பெரிய நாடு. அதற்கு அதிபர் ட்ரம்ப் விதித்த 50 சதவீத வரி விவேக​மான கொள்கை கிடை​யாது’’ என அமெரிக்க பத்​திரி​கை​யாளர் ரிக் சான்​சேஸ் விமர்​சனம் செய்​துள்​ளார்.

உக்​ரைன் மீது தாக்​குதல் நடத்​தும் ரஷ்​யா​விடம் இந்​தியா தொடர்ந்து கச்சா எண்​ணெய் வாங்​கிய​தால், இந்​தி​யா​வில் இருந்து இறக்​குமதி செய்​யப்​படும் பொருட்​களுக்​கான வரியை அமெரிக்க ஜனாதிபதி  ட்ரம்ப் 50 சதவீத​மாக உயர்த்​தி​னார்.

ஜனாதிபதி  ட்ரம்ப் அறி​வித்த வரி விதிப்பு சட்​ட​விரோத​மானது எனவும், இதை நீக்க வேண்​டும் என அமெரிக்க மேல் முறை​யீட்டு நீதி​மன்​றம் தீர்ப்​பளித்​துள்​ளது.

இதுகுறித்து அமெரிக்க பத்​திரி​கை​யாளர் ரிக் சான்​சேஸ் அளித்த பேட்​டி​யில் கூறி​யிருப்​ப​தாவது: இந்​தி​யா​வை, பள்​ளிக் குழந்தை போல் அமெரிக்கா நடத்தக் கூடாது. இந்​தியா பெரிய நாடு.

ஜனாதிபதி  ட்ரம்ப் எடுக்​கும் முடிவுகள் பெரும்​பாலும் அக்​கறையுடன் கூடிய மற்​றும் அறி​வியல் பூர்​வ​மான சிந்​தனை​யாக இருப்​ப​தில்​லை. இந்​தியா எடுக்​கும் முடிவு​களுக்கு மேற்​பார்வை தேவை என்​பது போல் அமெரிக்​கா​வின் அணுகு​முறை உள்​ளது.

இதை கண்​டு​கொள்​ளாமல் இந்​தியா தனது நிலைப்​பாட்டை அப்​படியே பின்​பற்​று​வது பாராட்​டுக்​குரியது. அமெரிக்​கா​வின் வரிக் கொள்கை பார்ப்​பவர்​களுக்கு மிகச் சிறந்​தவை​யாக இருப்​பது போல் தெரி​யும்.

ஆனால், இது அவம​திப்​பான மற்​றும் விவேகமற்ற கொள்​கை. உக்​ரைன் மீது ரஷ்யா ஏன் போர் தொடுத்​தது என்ற நிலைப்​பாட்டை ஜனாதிபதி  ட்ரம்ப் நிர்​வாகம் புரிந்து கொள்​ள​வில்​லை. நீண்ட வரலாறு, வளங்​கள் மற்​றும் திறன்​கள் உள்ள இந்​தி​யா​வை, பள்​ளிக் குழந்தை போல் நடத்​து​வது அவம​திப்​பானது. இந்​தியா வளர்ந்த நாடு.

ரஷ்​யா​விடம் இருந்து சீனா கச்சா எண்​ணெய் இறக்​குமதி செய்​தா​லும், அதன் மீது நடவடிக்கை எடுப்​ப​தில் அமெரிக்கா தனது வரம்​பு​களை உணர்​கிறது. இந்​தியா மீது 50 சதவீத வரி விதிக்​கும் விஷ​யத்​தில் அதிபர் ட்ரம்ப் எடுத்த முடிவு அவரது தனிப்​பட்ட கோபம் காரண​மாக எடுக்​கப்​பட்​டது.

சர்​வ​தேச விஷ​யங்​களில் பின்​னணி சம்​பவங்​களை பற்றி அமெரிக்க தலை​வர்​கள் பலருக்கு சரி​யான புரிதல் இல்​லை. ரஷ்யா - உக்​ரைன் இடையே​யான மோதலை பிரதமர் மோடி​யால் நடைபெறும் போர் என அதிபர் ட்ரம்​பின் ஆலோ​சகர் பீட்​டர் நவேரோ கூறுகிறார். இது முற்​றி​லும் நகைப்​புக்​குரிய​தாக உள்​ளது. இவ்​வாறு அவர்​ கூறி​னார்​.