கொக்குவில் சி.சி.சி, பற்றீசியன் அணிகள் வெற்றி

Kanagaraj / 2014 மே 17 , மு.ப. 10:37 - 0 - {{hitsCtrl.values.hits}}

- குணசேகரன் சுரேன்

யாழ்ப்பாணம் பிறிமியர் லீக் இருபது–20 சுற்றுப்போட்டியில் கொக்குவில் மத்திய சனசமூக நிலைய அணி மற்றும் பற்றீசியன் அணிகள் வெற்றிபெற்றன. யுவ பிரண்ட்ஸ் பவுண்டேஸன் நிறுவனத்தின் ஏற்பாட்டில் யாழ்.மாவட்ட துடுப்பாட்ட அணிகளுக்கிடையில் இருபது–20 துடுப்பாட்டப் போட்டிகள் கடந்த 10ஆம் திகதி முதல் யாழ்ப்பாணம் இந்துக் கல்லூரி மைதானத்தில் இடம்பெற்று வருகின்றன.

மேற்படி சுற்றுப்போட்டியில் யாழ்ப்பாணத்தைச் சேர்ந்த 18 துடுப்பாட்ட அணிகள் பங்குபற்றுவதுடன், போட்டிகள் லீக் முறையில் இடம்பெற்று வருகின்றன.

வியாழக்கிழமை (15) மாலை இடம்பெற்ற இரண்டு போட்டிகளில் முதற்போட்டியில் கொக்குவில் மத்திய சனசமூக நிலைய அணியும் ஸ்ரீ காமாட்சி விளையாட்டுக்கழக அணியும் மோதின.

நாணயச் சுழற்சியில் வென்று முதலில் துடுப்பெடுத்தாடிய ஸ்ரீகாமாட்சி விளையாட்டுக்கழக அணி 20 பந்துபரிமாற்றங்களில் 7 இலக்குகளை இழந்து 136 ஓட்டங்களைப் பெற்றது. துடுப்பாட்டத்தில் ஏ.அரவிந்தன் 42 ஓட்டங்களைப் பெற்றுக்கொடுத்தார்.
பந்துவீச்சில் கொக்குவில் மத்திய சனசமூக நிலைய அணி சார்பாக பி.பிரதீஸ் 3, எஸ்.ஜனுதாஸ், ஆர்.இராகுலன் ஆகியோர் தலா 2 இலக்குகளைக் கைப்பற்றினார்கள்.

137 ஓட்டங்களை வெற்றியிலக்காகக் கொண்டு பதிலுக்குத் துடுப்பெடுத்தாடக் களமிறங்கிய கொக்குவில் மத்திய சனசமூக நிலைய அணி 16 பந்துபரிமாற்றங்களில் 2 இலக்குகளை மாத்திரம் இழந்து வெற்றியிலக்கை அடைந்தது.
துடுப்பாட்டத்தில் ஏ.ஜெயரூபன் ஆட்டமிழக்காமல் 72 ஓட்டங்களையும் ஜனுதாஸ் 33 ஓட்டங்களையும் பெற்றனர்.இப்போட்டியின் ஆட்டநாயகனாக ஏ.ஜெயரூபன் தெரிவு செய்யப்பட்டார்.

இரண்டவாது போட்டியில் திருநெல்வேலி இந்து வாலிபர் சங்கத்தினை எதிர்த்து பற்றீசியன் விளையாட்டுக்கழகம் மோதியது.
இதில் நாணயச் சுழற்சியில் வென்று முதலில் துடுப்பெடுத்தாடிய பற்றீசியன் விளையாட்டுக்கழக அணி 20 பந்துபரிமாற்றங்களில் 7 இலக்குகளை இழந்து 150 ஓட்டங்களைப் பெற்றுக்கொடுத்தனர்.

துடுப்பாட்டத்தில் எஸ்.அஜித் டார்வின் 65 ஓட்டங்களைப் பெற்றுக்கொடுத்தார்.

பந்துவீச்சில் திருநெல்வேலி இந்து வாலிபர் சங்கம் சார்பாக என்.நிசாந்தன், கெ.சுதாகரன் ஆகியோர் தலா 2 இலக்குகளைக் கைப்பற்றினார்கள்.

தொடர்ந்து 151 ஓட்டங்களை வெற்றியிலக்காகக் கொண்டு பதிலுக்குத் துடுப்பெடுத்தாடக் களமிறங்கிய திருநெல்வேலி இந்து வாலிபர் சங்க அணி, 20 பந்துபரிமாற்றங்களில் 5 இலக்குகளை இழந்து 103 ஓட்டங்களைப் மாத்திரமே பெற்றுத் தோல்வியடைந்தது.

துடுப்பாட்டத்தில் என்.ரஜீந்திரன்29, எஸ்.நிலாஜனன் 28 ஓட்டங்களையும் ஆட்டமிழக்காமல பெற்றுக்கொடுத்தனர்.
பந்துவீச்சில் எஸ்.அஜித்டார்வின் 2 இலக்குகளைக் கைப்பற்றினார்;. இப்போட்டியின் ஆட்டநாயகனாக எஸ்.அஜித் டார்வின் தெரிவு செய்யப்பட்டார்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .