கரவெட்டி பிரதேச இளைஞர் கழக அணி சம்பியன்

Super User / 2014 மே 18 , மு.ப. 06:19 - 0 - {{hitsCtrl.values.hits}}

கரவெட்டிஅணி
-நா.நவரத்தினராசா

யாழ் மாவட்ட இளைஞர் சேவைகள் மன்றத்தினால், யாழ் மாவட்ட பிரதேச இளைஞர் சேவைகள் மன்றங்களுக்கிடையில் நடத்தப்பட்ட ஆண்களுக்கான கரப்பந்தாட்டச் சுற்றுப்போட்டியில் கரவெட்டி பிரதேச இளைஞர் கழக அணி சம்பியனாகியது.

மேற்படி சுற்றுப்போட்டி ஆவரங்கால் நடராசா இராமலிங்கம் வித்தியாலய விளையாட்டு மைதானத்தில் இடம்பெற்று வந்தது.

தொடர்ந்து இறுதிப்போட்டி சனிக்கிழமை (17) இடம்பெற்றதுடன், இறுதிப்போட்டியில், கோப்பாய் பிரதேச இளைஞர் கழக அணியினை எதிர்த்து கரவெட்டி பிரதேச இளைஞர் கழக அணி மோதியது.

ஐந்து சுற்றுக்கள் கொண்ட இறுதிப்போட்டியில் கரவெட்டி பிரதேச இளைஞர் கழக அணி 25:23, 25:22 என்று முதல் இரண்டு சுற்றுக்களை வென்றது.

இருந்தும் மூன்றாவது சுற்றினை கோப்பாய் பிரதேச இளைஞர் கழக அணி 25:19 எனக் கைப்பற்றி போட்டியில் விறுவிறுப்பினை அதிகரித்தது.

எனினும் 4 ஆவது சுற்றினை கரவெட்டி பிரதேச இளைஞர் அணி 25:21 எனக் கைப்பற்றி ஐந்தாவது சுற்றின் தேவையின்றி 3:1 என்ற சுற்றுக்கள் அடிப்படையில் வெற்றியினைத் தனதாக்கியது.

கோப்பாய் அணி

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .