ஜொனியன்ஸ், ஸ்கந்தா ஸ்டார்ஸ், மானிப்பாய் பரிஷ் அணிகள் வெற்றி

Super User / 2014 மே 18 , மு.ப. 08:17 - 0 - {{hitsCtrl.values.hits}}

-குணசேகரன் சுரேன்

யாழ்ப்பாணம் பிறிமியர் லீக் இருபது 20 சுற்றுப்போட்டியில் சனிக்கிழமை (17) இடம்பெற்ற போட்டிகளில் ஜொனியன்ஸ், ஸ்கந்தா ஸ்டார்ஸ், மானிப்பாய் பரிஷ் அணிகள் வெற்றிபெற்றன.

யுவ பவுண்டேஸன் நிறுவனத்தின் ஏற்பாட்டில் யாழ். மாவட்ட துடுப்பாட்ட அணிகளுக்கிடையிலான இருபது 20 துடுப்பாட்டச் சுற்றுப்போட்டிகள் கடந்த 10 ஆம் திகதி தொடக்கம் யாழ்ப்பாணம் இந்து கல்லூரி மைதானத்தில் இடம்பெற்று வருகின்றது.

இதில் மூன்று போட்டிகள் சனிக்கிழமை (17) இடம்பெற்றன.

ஜொனியன்ஸ் அணி 19 ஓட்டங்களால் வெற்றி
முதற்போட்டியில் ஜொனியன்ஸ் அணியினை எதிர்த்து நியூஸ்டார்ஸ் அணி மோதியது. நாணயச் சுழற்சியில் வென்று முதலில் துடுப்பெடுத்தாடிய ஜொனியன்ஸ் அணி 20 பந்துபரிமாற்றங்களில் 8 இலக்குகளை இழந்து 154 ஓட்டங்களைப் பெற்றது. துடுப்பாட்டத்தில் எல்.லவேந்திரா 32, எஸ்.சஞ்சயன் 27 ஓட்டங்களைப் பெற்றுக்கொடுத்தனர்.

பந்துவீச்சில் நியூஸ்டார்ஸ் அணி சார்பாக என்.றுசாந்தன் 2 இலக்குகளைக் கைப்பற்றினார்.

155 ஓட்டங்கள் பெற்றால் வெற்றியென்ற இலக்குடன் பதிலுக்குத் துடுப்பெடுத்தாடக் களமிறங்கிய நியூஸ்டார்ஸ் அணி 20 பந்துபரிமாற்றங்களில் 5 இலக்குகளை இழந்து 135 ஓட்டங்கள் மாத்திரம் பெற்றது. துடுப்பாட்டத்தில் கே.கபில்ராஜா 44 ஓட்டங்களைப் பெற்றுக்கொடுத்தார்.

பந்துவீச்சில் எஸ்.விதுசன் 2 இலக்குகளைக் கைப்பற்றினார். இப்போட்டியின் ஆட்டநாயகனாக எஸ்.சஞ்சயன் தெரிவு செய்யப்பட்டார்.

மானிப்பாய் பரிஷ் அணி 58 ஓட்டங்களால் வெற்றி

இரண்டாவது போட்டியில் மானிப்பாய் பரிஷ் அணியினை எதிர்த்து ஸ்ரான்லி விளையாட்டுக்கழக அணி மோதியது. நாணயச் சுழற்சியில் வென்ற ஸ்ரான்லி அணி முதலில் களத்தடுப்பில் ஈடுபட முடிவு செய்தது.

அதற்கிணங்கக் களமிறங்கிய மானிப்பாய் பரிஷ் அணி 20 பந்துபரிமாற்றங்களில் 8 இலக்குகளை இழந்து 153 ஓட்டங்களைப் பெற்றது. துடுப்பாட்டத்தில் எஸ்.சபேஸன் 29, பி.ஜெயதீபன் 26 ஓட்டங்களைப் பெற்றுக்கொடுத்தனர்.

பந்துவீச்சில் ஸ்ரான்லி அணி சார்பாக கே.கஜதீபன் 4, யு.உதயசபேஸ், எஸ்.துஸ்யந்தன் தலா 2 இலக்குகளைக் கைப்பற்றினர்.

154 ஓட்டங்கள் எடுத்தால் வெற்றியென்ற இலக்குடன் பதிலுக்குத் துடுப்பெடுத்தாடக் களமிறங்கிய ஸ்ரான்லி அணி, 16.5 பந்துபரிமாற்றங்களில் 95 ஓட்டங்களுக்குச் சகல இலக்குகளையும் இழந்தது. துடுப்பாட்டத்தில் எல்.இனோஜன் 22 ஓட்டங்களைப் பெற்றுக்கொடுத்தார்.

பந்துவீச்சில் மாபனிப்பாய் பரிஷ் அணி சார்பாக வி.வினோத்குமார் 3, என்.நிதர்சன் 2 இலக்குகளையும் கைபற்றினார்கள். இப்போட்டியின் ஆட்டநாயகனாக வி.வினோத்குமார் தெரிவு செய்யப்பட்டார்.

ஒரு ஓட்டத்தினால் ஸ்கந்தா ஸ்டார்ஸ் அணி வெற்றி

மூன்றாவது போட்டியில் ஸ்ரீ காமாட்சி அணியினை எதிர்த்து ஸ்கந்தா ஸ்டார்ஸ் அணி மோதியது. நாணயச் சுழற்சியில் வென்று முதலில் துடுப்பெடுத்தாடிய ஸ்கந்தா ஸ்டார்ஸ் அணி 20 பந்துபரிமாற்றங்களில் 8 இலக்குகளை இழந்து 156 ஓட்டங்களைப் பெற்றது.

துடுப்பாட்டத்தில் எஸ்.சிந்துஜன் 28, என்.விஸ்ணுப்பிரகாஸ் 26 ஓட்டங்களைப் பெற்றுக்கொடுத்தனர். பந்துவீச்சில் ஸ்ரீ காமாட்சி அணி சார்பாக கே.கார்த்திக், எஸ்.சுதர்சன், எல்.கேதீஸ் ஆகியோர் தலா 2 இலக்குகளை வீழ்த்தினார்கள்.

157 ஓட்டங்கள் எடுத்தால் வெற்றியென்ற இலக்குடன் பதிலுக்குத் துடுப்பெடுத்தாடக் களமிறங்கிய ஸ்ரீ காமாட்சி அணி வெற்றிக்காக பெரும் போராட்டத்தில் ஈடுபட்ட போதும், இறுதியில் ஒரு ஓட்டத்தினால் தோல்வியடைந்தது. 20 பந்துபரிமாற்றங்களில் 8 இலக்குகளை இழந்து 155 ஓட்டங்களை மாத்திரம் பெற்றது. துடுப்பாட்டத்தில் எஸ்.அரவிந்தன் 55, என்.திவாகர் 28 ஓட்டங்களைப் பெற்றுக்கொடுத்தனர்.

பந்துவீச்சில் ஸ்கந்தா ஸ்டார்ஸ் அணி சார்பாக விஸ்ணுப்பிரகாஸ் 2 இலக்குகளைக் கைப்பற்றினார். இப்போட்டியின் சிறப்பாட்டக்கரராக என்.விஸ்ணுப்பிரகாஸ் தெரிவு செய்யப்பட்டார்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .